Gergelj

Min tre interesas la vorto-farado kaj vorto-analizo de Esperanto. Do mi provas elprovi mian komprenon nun rilate al la debato äŭgustmeza kontraŭ mezaŭgusta. Ni komencu per tio pri kio ĉiu el ni ŝajnas samopinii, tio estas ke lasta vortero decidas la ĉefan signifon, vidu regulo 11. Tial aŭgustmezo estas mezo kaj mezağusto estas aŭgusto. Ambaŭ ideojn pliprecizigas la alia ideo maldekstre. Kiel tio povas okazi? Do mi dirus ke aŭgust(·o)·mez·o ≈ mezo de aŭgusto (simile al tagmezo, noktomezo, semajnfino, mondfino, ktp.) mez(·o)·aŭgust·o ≈ aŭgusto kiu (iu sence) estas en la mezo. (simile al mezfingro, mezlernejo, mezvaloro, finaĵo, finludo ktp.) Mi pensas ke ĝis tiu punkto ĉio estas sufiĉe simpla kaj la malfacilaĵo devenas de la a-finaĵo. Ĉu aŭgust·(mez·a) aŭ (aŭgust·mez)·a? Kaj simile ĉu mez·(aŭgust·a) aŭ (mez·aŭgust)·a? Se mi bone komprenas, teorie ĉiu el la 4 ebloj estas elpensebla: (aŭgust·mez)·a ≈ tia ke ĝi rilatas al (ekzemple estas ĉe) la mezo de aŭgusto. (mez·aŭgust)·a ≈ tia ke ĝi rilatas al mezaŭgusto. aŭgust·(mez·a) ≈ meza kio ankaŭ estas iusence aŭgusta. mez·(aŭgust·a) ≈ aŭgusta kio ankaŭ estas iusence meza (ekzemple meze de aŭgusto). La 1a ŝajnas kapti la celitan ideon. Kaj ĉi tiu kompreno estas sufiĉe kutima, kiel ekzemple tagmeza, noktmeza, semajnfina, ktp. Mi pensas ke tiun konsilis @ŜandorHideg. Ankaŭ 4a ŝajnas kapti la celitan ideon. Kaj miaopinie ĉi tiun komprenon pensigas la streketo en la skribado mez-aŭgusta. Mi pensas ke tio estis la ideo de @Rico. Ĉiuokaze (se mi ne fuŝis la analizon) ŝajnas ke ambaŭ formoj funkcias kiel @Anna skribis. Bonvolu diri al mi se vi pensas ke mi fuŝis ion en la analizo. Fontoj sur kiuj mi provis surbazi mian analizon: - Ĉu Esperanto Fundamente estas facila? de Pierre Telle-Bouvier - Kunmetado estas simpla! de Tirifto - Fundamentaj reguloj de la vort-teorio en Esperanto de René de Saussure

Koran Dankon pro la sciigo pri la peto! Mi subskribis kaj komencis disvastigi. B-)

@Anna Dankon pro via respondo. Mi ekkomprenis nun: la pli granda problemo estas ke ni perdas reklamvaloron kiun Duolingo donis al la movado. (Mi konas la retejon Lernu.net. Fakte mi komencis lerni Esperanton tie. Tio estas tre bona loko por eklerni Esperanton.)

Malgajiga historio... Mi ne scias kiom malfacile estus savi la laboron de volontuloj per LibreLingo. Tamen eble valoras mencii ke ekzistas nova kaj simila projekto kies posedanto estas la komunumo mem: https://librelingo.app/about (angle). Ĝuste tial ke LibreLingo estas libera programo kaj ties posedanto estas la komunumo mem tio kio okazis kun Duolingo ne povas okazi per LibreLingo. Bedaŭrinde, mi ne komprenas kiel oni povas krei kurson per LibreLingo. Kaj tial mi ne povas helpi krom transdoni la informon pri la ekzisto de la projekto. Sed eble/espereble estas iu en Esperantujo kiu povos uzi ĉi tiun informon.

Interese, nun mi provis kun alia retumilo kaj por mi la filmeto ligita en la unua komento komenciĝas ĉe 2:59 (ĉe la tabelvorto "kiu"). Estas utila afero ke oni povas ligi filmetojn ne nur ekde iliaj komencoj. Fakte kion mi rimarkis ne estas tiom grava problemo ĉar oni facile povas iri al la komenco de filetoj. Pli ĝena afero estas ke ŝajnas ke tempigitaj ligiloj ne funkcias por ĉiuj ĉar estas pli malfacile iri al iu konkreta tempopunkto en filmetoj... (ĉefe se la konkreta punkto estas difinita per temo, ekzemple tiel kiel la listigo de tabelvortoj komenciĝas...)

Kara Judit dankon pro la interesaj filmetoj. Mi pensas ke vi senvole ligis la 1-an parton de la filmeto komence de la 179a sekundo. La "&t=179s" parto de la ligilo faras tion. Simple forigu tiun parton de la ligilo se vi volas ke la filmeto komenciĝu ekde la komenco.

Ĉu ne eblus krei retbabilejan roboton ĉe Mastodono kiu kreus simplajn afiŝojn el la RSS-fluo de uea.facila (iun similan al Novaĵoj en Esperanto (bot)?)

Koran dankon pro ĉi tiu afiŝo! Estus bonege eduki ĉiujn pri ĉi tiaj trompoj. Eble se neniu kredus ilin, ili simple ĉesus ekzisti. La plej ridinda trompa mesaĝo kiun mi ricevis diris ion similan al "Lastatempe trompaj mesaĝoj ege multiĝis. Alklaku la sekvan ligilon por eviti la problemon."... Do trompistoj komencis uzi eĉ la konadon pri trompoj por trompi... Cetere lastatempe ekekzistas eĉ Esperantaj trompoj. Jen ligilo se iu ankoraŭ ne legis pri tio: