Salti al enhavo

Legantoj

Prezentu vin mem!

Via artikolo ne tuj aperos. Ni faros nian eblon por aperigi ĉiujn ricevitajn informojn ene de 24 horoj.

Mi estas Elie HAVUGIMANA , esperantisto en Goma, en DR Kongo. Mi eklernis Esperanton en 2012 per mia afabla instruisto Honoré SEBUHORO. Mi loĝas en Goma kiel rifuĝinto kun mia familio ekde 2022.  Mi zorgas pri miaj tri gefratoj, miaj du gefiloj kaj mia edzino. Mi amas komuniki kun aliaj gesamideanoj. 
Amike! 
UEA-kodo: hnel-r
Vacapo (WhatsApp): +243 974956659

Mi nomiĝas Andreas Zervas. Mi naskiĝis en Patraso, Grekio, sed en 1987 mi translokiĝis al Tesaloniko, kie mi loĝas ĝis nun.
Mi estas emerita industria kemiisto kaj magistro pri komerca administrado. Mi estas ankaŭ atestita trejnisto por plenkreskuloj, kio helpas min pli efike instrui kaj organizi lernado-spertojn por miaj studentoj.
Mi pasias pri legado, kuirado, konstruado de objektoj, kaj verkado. Mi ĝuas verki mallongajn rakontojn kaj poemojn, kaj mi tradukas grekajn poemojn al Esperanto por disvastigi la grekan kulturon en Esperantujo.
Mia edzino kaj mi havas du filinojn, sed ankoraŭ ne genepojn.
Esperanton mi ekkonis jam en mia infanaĝo, ĉar mia patro rakontis al mi pri ĝi kaj ĝiaj idealoj. En 2019 mi eklernis la lingvon unue per Duolingo kaj poste per aliaj rimedoj, inkluzive de retaj Esperanto-kursoj kaj grekaj Esperanto-libroj. Mi pasie plu lernas ĝin, ĉar Esperanto estas mirinda maniero konektiĝi kun homoj tra la mondo. Mi regule partoprenas eventojn, kie mi utiligas la lingvon kaj malkovras ĝian kulturon.
Krome, mi aktive partoprenas en grupoj kiel "Eŭropaj Aktivuloj por Esperanto" kaj "Balkana-Danuba Kunlaboro," kiuj celas plifortigi kunlaboron inter diversaj Esperanto-komunumoj. Ekde 2025, mi estas elektita kiel observanto de Helena Esperanto-Asocio (HelEA) ĉe Universala Esperanto-Asocio (UEA). Mi ankaŭ estas membro de UEA kaj ILEI.
Nuntempe, mi klopodas plifortigi HelEA, la tutgrekian Esperanto-organizon, kaj mi laboras por fondi Esperanto-klubon en Tesaloniko. Ĉar en Grekio mankas aktivaj grekaj instruistoj, mi mem instruas Esperanton rete al grekaj komencantoj, dum mi daŭre lernas kaj plibonigas mian lingvokonon.

Mi unue eksciis pri Esperanto antaŭ proksimume 35 jaroj, kiam mi havis proksimume 35 jarojn. Iu hazarde menciis ĝin al mi. Tio okazis en Dallas, Teksaso, Usono. Mia reago, eksciinte pri la ekzisto de Esperanto, estis iri al la loka biblioteko por legi pri ĝi. (Memoru, ke tiam ne ekzistis la koncepto de retpoŝto aŭ interreto.) Mi trovis, ke Amerika Esperanto-Societo proponis senpagan,10-lecionan poŝtan kurson. La kursgvidantoj asertis, ke post 10 lecionoj, la lernanto scios la tutan bazan gramatikon kaj sufiĉe da baza vortprovizo por povi konversacii en Esperanto. Tiu aserto ŝajnis al mi nekredebla. Tamen mi aliĝis al la kurso por provi lerni almenaŭ bazan nivelon de Esperanto. Krome mi legis pri D-ro Zamenhof. Li naskiĝis kaj kreskis ne malproksime de tie, kie kelkaj el miaj geavoj naskiĝis kaj kreskis; tio ŝajnis kiel signo de bonŝanco por ke mi provu lerni Esperanton!       Proksimume unu semajnon post kiam mi aliĝis al la kurso, mi ricevis la unuan lecionon per poŝto. La leciono inkluzivis skriban klarigon pri Esperanto plus kelkajn hejmtaskajn demandojn. Mi devis respondi la hejmtaskodemandojn kaj resendi ilin retpoŝte kun mem-adresita, afrankita koverto. Mi do faris tion. Proksimume du semajnojn poste, mi ricevis miajn korektitajn hejmtaskojn plus la duan lecionon. Mi faris ĉiujn dek lecionojn kaj poste ricevis diplomon! Poste mi aĉetis anglan/esperantan vortaron kaj abonis esperantlingvan revuon. Estis sekcio en tiu revuo pri trovado de korespondantoj. Do mi elektis korespondanton el urbeto en apenaŭ konata lando. Mi povis skribi leteron priskribantan min kaj aldonis plurajn demandojn. Mi metis la leteron en koverton kaj iris al la poŝtoficejo por sendi ĝin. Proksimume monaton poste, mi ricevis respondon. Mia korespondanto komprenis ĉion, kion mi skribis, kaj mi povis kompreni ĉion, kion li skribis!! Mi estis ege surprizita!!! Post nur dek lecionoj mi povis interkomuniki kun iu en Esperanto. Tio estus neebla per iu ajn alia lingvo. Pro tio mi inspiriĝis esti pli aktiva en Esperanto.       Ĉar aliaj homoj en la pasinteco verkis originalajn novelojn en Esperanto kaj tradukis novelojn en Esperanton, mi decidis daŭrigi tiun agadon. Estas du lokoj kie miaj verkoj troveblas:                             https://verkoj.com/verkistoj/barry-friedman/                                                   kaj                           https://eo.wikipedia.org/wiki/Barry_Friedman       Bonvolu legi tiujn verkojn kaj doni al mi viajn opiniojn pri ili. Mi provas traduki novelojn de aŭtoroj loĝantaj en diversaj partoj de la mondo kaj traktantaj variajn temojn. Ja Esperanto estas "La Universala Lingvo", ĉu ne! Mi esperas, ke miaj noveloj kaj miaj tradukoj inspiros aliajn homojn verki pli da noveloj kaj traduki aliajn novelojn!       Mi ĉiam ĝojas havi korespondamikojn de iu ajn loko en la mondo. Ni povas diskuti ajnan temon. Mia retadreso estas mitderfinger56##gmail.com

Saluton,
Mi estas Vicente Paulo de Sales el Brazilo. Mi estas edziĝinta kaj patro de du gefiloj.
Emerita, 66-jaraĝa, mi estas estrarano de la Societo Esperantista de Minas-Ĵerajso (SEM) ekde 2019 en Belo Horizonto, kaj ekde 2023 membro de la Rotaria e-Klubo de Esperanto.
Mi estas amatora kuristo kaj gitaristo.
Mi eklernis Esperanton en 2013, sed vere engaĝiĝis en la movado kiam mi fariĝis kasisto de SEM. Tiam mi rimarkis, ke esperantistoj ofte estas nevideblaj en la neesperanta mondo. Por pli vaste disvastigi Esperanton, ni kreis du markojn kun originalaj emblemoj:
Esperanto Kuras, por montri Esperanton dum sportaj eventoj, precipe kuradoj; Esperanto Muzikanta, por elstarigi Esperanton en muzikaj prezentadoj. Nuntempe ni planas prezenti Esperanton en lernejoj, por komenci konatigi homojn kun ĝi. Ŝajnas, ke en mia urbo neniu scias pri la ekzisto de Esperanto.
Mi partoprenis la Universalan Kongreson en Tanzanio kaj eĉ kreis prezentaĵon pri mia sperto dum tiu tre agrabla internacia renkontiĝo.
Frate salutas vin,
Vicente Paulo de Sales.
 

Niaj emblemoj:

Niaj retejoj:
Wordpress: https://esperantomg6.wordpress.com/
Facebook: https://www.facebook.com/esperantobhmg
Instagram:
   SEM: https://www.instagram.com/esperantobhmg   
   Esperanto Kuras: https://www.instagram.com/esperantokuras
   Esperanto Muzikanta: https://www.instagram.com/esperantomuzikanta
 
https://rotaryclubdeesperantobrasil.org/

 

En 1998 mi diplomitiĝis pri kataluna filologio kaj lingvistiko kaj tiun jaron ankaŭ eklernis Esperanton. Mi ekinstruis ĝin en 2000 en Koreujo por la Ŭonbulisma Eklezio, en klubaj kursoj en Barcelono de 2011 al 2017, kaj ekde 2019 en la Hispana Distanca Nacia Universitato (UNED). En 2001 ekinstruis ankaŭ la hispanan kiel fremdan lingvon en korea altlernejo, en 2002-03 en japana privata lingvolernejo, per videokonferenco (kaj dume redaktis la esperantan korespondon de la prezidanto de Esperanto-Propaganda Asocio de Oomoto), kaj en 2005-2008 en la Universitato de Havajujo (Honolulu).
En 2001 diplomitiĝis kiel Cseh-instruisto kaj trapasis la mezan ekzamenon de ILEI, en 2003 ricevis licencon por instrui en katalunaj altlernejoj kaj diplomon pri instruado de hispana kiel fremdan lingvon, kaj en 2010 du magistrajn diplomojn de la Universitato de Havajujo pri hispana filologio kaj aplikata lingvistiko. En 2017 trapasis la KER-ekzamenon de UEA je nivelo C1 kaj 10-horan kurson pri Eo-instruado. De 2010 ĝis 2020 instruis la katalunan, hispanan kaj anglan lingvojn kaj katalunan literaturon en publikaj lernejoj al geknaboj kaj enmigrintoj. En 2011-2012 laboris kiel konsultisto kaj trejnisto de instruistoj de enmigrintaj infanoj, kaj en 2015 instruis enkondukan lingvistikon en la Universitato de Barcelono.
Prelegis en Internacia Kongresa Universitato (2017), Esperantologia Konferenco (2023) kaj du fojojn en AMO-seminarioj, krom multaj aliaj okazoj. Publikigis artikolojn en Literatura Foiro, Beletra Almanako, Lingvaj Problemoj kaj Lingvoplanado, Libera Folio, kaj aliaj. Nuntempe laboras kiel arĥivisto.

Finfine, post multaj jaroj, mi trovis tempon (kaj kuraĝon) por submetiĝi al UEA/KER-Ekzameno.  Mi nun profitis de la ebleco fari ĝin en la komforto de mia hejmo.  
Mi volas gratuli la teamon de Edukado.net, sub la gvido de Katalin Kovats, pro la altkvalita nivelo de la ekzameno, kaj teknike kaj lingve.  
Aparte mi laŭdas la klopodojn de la teamo por disponigi senpagajn provekzamenojn kaj konsilojn por la kandidatoj.  Miaj poentoj estis sufiĉaj por sukcese trapasi ĝin, sed mi povus atingi pli altan rezulton, se mi diligente profitus de tiuj provekzamenoj. Tiel mi malkovrus miajn malfacilaĵojn en la lingvo kaj povus studi ilin antaŭ la ekzameno.  
Por mi persone la ekzameno estis tre utila por scii nun tion, kion mi ankoraŭ devas plibonigi en la regado de la lingvo. Tiel la ekzameno estas same utila ankaŭ por tiuj, kiuj ne sukcesis trapasi ĝin.
 
Indas mencii, ke jam 2 764 homoj sukcese trapasis la KER-ekzamenojn kaj tio estas impresa kvanto, kiu montras la viglecon de nia komunumo. Mi instigas ĉiujn esperantistojn submetiĝi al la UEA/KER-ekzameno. 
Emilio Cid
 
 

Mi estas Stefan Terpstra. Mi loĝas en urbo proksime de Amsterdamo, en Norda Holando, Nederlando. Mia profesio estas instruisto de la Nederlanda lingvo. Mi ankaŭ estas muzikisto. Mi havas du filinojn kaj estas edziĝinta. La Nederlanda lingvo estas mia propra gepatra lingvo. Mi ankaŭ parolas la Anglan, la Germanan kaj Esperanton.
Mi lernas Esperanton ekde januaro 2024, per ekzercado per DuoLingo kaj gramatiklibroj. Mi ankaŭ legas artikolojn en Esperanto. Kia mirinda malkovro estas la retejo de UEA.facila.org! Mi ekzercas paroli en klubo kun kelkaj aliaj esperantistoj, kiuj bone regas la lingvon.

Mi nomiĝas Sabin Maruhe. Mi loĝas en DR Kongo, en la urbo Goma. Mi estas studento 18-jara. Mi lernas Esperanton en Goma Esperanto-klubo. Mi volas esti verkisto de poemoj, tekstoj ktp...


Hodiaŭ, mi proponas al vi tri hajkajn poemojn de mia aŭtoreco. Mi esperas ke vi ŝatas ilin.
__________________________________
Tagiĝo.
La birdoj kantas
en mia ĝardeno.
__________________________________
Naturo.
Papero kaj krajono.
La hajko alvenas.
__________________________________
Iuj ĉapeloj
ripozas en ombro
sub la varma suno.
__________________________________
Bonvolu pardoni min pro iuj gramatikaj eraroj, kiujn mi faris. Mi estas komencanto.

Saluton! Kiel vi fartas?
Mia nomo estas Pablo Hernandez. Mi estas 25-jara.
Mi loĝas en Venezuelo.
Mi loĝas kun mia patrino kaj mia frato. Mi laboras kiel laboristo. Mi ankaŭ estas Atestanto de Jehovo.
Mi komencis studi Esperanton ĉar mi havas la deziron lerni lingvon, sed mi ne sciis kiun lingvon elekti. Do mi elektis Esperanton.
Ĉi tiu lingvo ŝajnas al mi bona maniero esti poligloto.
La lingvoj kiujn mi ŝatas estas la turka kaj la franca. Mi esperas, ke povos lerni ilin baldaŭ.

Saluton.
Mia nomo estas María Belén.
Mi loĝas en la nordo de Hispanio (Galegio).
Mi ŝatas Esperanton kaj trikadon.
Ĉi tiu estas la unua litkovrilo, kiun mi faris per miaj manoj.

Mi deziras, ke vi ŝatu ĝin.💚💚💚💚

Saluton al ĉiuj! Mi estas Justino kaj mi estas el Usono. Mi estas komencanto kaj mi eklernis Esperanton antaŭ du aŭ tri monatoj.
Mi ankaŭ provis lerni aliajn lingvojn, sed mi ĉiam rezignis tro frue pro multaj kialoj. Nun mi lernas Esperanton ĉar mi amas la ideon de la lingvo. La ideo de universala lingvo estas bela afero. Fine mi ŝatus renkonti kaj paroli kun novaj homoj el nia mondo.
Eble mi faros la CEFR-ekzamenon, sed nuntempe... mi ĝojas lerni!
Dankon ke vi legas mian artikolon. Diru "Saluton" en ĉi tiuj komentoj de la artikolo aŭ la Esperanta servilo en Discord aŭ Telegramo!
Havu bonan tagon!
Havu bonegan tagon!

Saluton,
Mi estas Fransoazo, 57-jara virino, emerita instruistino kaj psiĥoterapiistino por infanoj.

Ankaŭ amatora popol-violonisto.
Esperanto estas la ĉiutaga lingvo en mia familio jam de 1992.
Amike,
Fransoazo +33 609 120 374 fransoazo@gmail.com
https://violonodelamondo.wordpress.com/
Mia JuTuba kanalo
 

Chen Jiansheng estas kuracisto en Puning-urbo, Guangdonga Provinco. La 13-an de decembro 2020 li faris specialan vojaĝon de Puning-urbo, kiu estas pli ol 300 kilometrojn for, al la ĉefurbo Guangzhou por partopreni la feston de la naskiĝtago de Zamenhof.

Kiel la sola esperantisto en Puning, li prezentis al la partoprenantoj kiel lerni kaj uzi Esperanton.
La prononco de Esperanto estas simpla, ĝiaj logiko kaj reguleco altiris lin studi. En jaro 2008, li akceptis japanajn esperantistojn; en 2015 li akompanis paron de germanaj esperantistoj. Tiamaniere, de teoria studado ĝis praktika apliko, li pruvis, ke Esperanto estas utila.
Dum Sinjoro Chen akompanis la germanan paron por viziti vidindaĵojn, lia edzino lertas kuiri la famajn pladojn de Chaozhou. Post gustumado, ŝi estis laŭdita de la gastoj: "Bongustaj pladoj!"

Saluton! Mia nomo estas Zakarja (Zachary denaske) kaj mi estas lernanto de programado en Usono. Mi komencis lerni Esperanton antaŭ ok jaroj kiam mi estis en gimnazio. Antaŭ du jaroj mi kaj amiko fondis la Esperantan kunsidon de Orlando por komencantoj, kiu ankoraŭ kuniĝas virtuale ĉiu-monate. uea.facila estas mia pli rekomendata unua retpaĝo por legi en Esperanto, kaj mi legas la artikolojn ĉi tie ofte kiam mi volas pligrandigi mian vortliston per interesaj novaĵoj.

Mia nomo estas Song Xiulan. Mi havas 57 jaron. Mi loĝas en Shenyang, Ĉinio. Ĝi estas bela loko.
Mia vivo estas feliĉa. Mia familio estas gaja. Mi ŝatas poemojn kaj vojaĝadon. Mi eklernis Esperanton en la jaro 2020. Mi amas Esperanton.
Mia Esperanta instruisto estas sinjoro Liu Weijie. Lia lingva nivelo estas tre bona.
Mi tre ŝatas lerni Esperanton. Mi havas multajn amikojn. Ni havas saman sonĝon, ni diligente lernas Esperanton, ni estas Esperantaj semoj.
Nun mi estas membro de Ĉina Esperanto-Ligo. Tial mi tre dankas mian instruiston Liu Weijie.
 
 

Saluton!
Mi nomiĝas Liu Fang. Mi lernis Esperanton en la retkurso de Liaoning Esperanto-kultura Klubo. Mia instruisto estas sinjoro Liu Weijie. Nun mi aliĝas al Ĉina Esperanto-Ligo. 
Mi estas membro de ĉina politika partio Zhi Gong, membro de Liaoning-provinca komitato de la partio Zhi Gong pri partopreno en administrado kaj diskuto de politikaj aferoj , prezidantino de la filio, kiu estas rekte sub la provinca komitato de la partio Zhi Gong, kaj membro de Shenyang-Urba Komitato de la partio Zhi Gong. Mi laboris en la financa industrio 36 jarojn kiel redaktoro de la gazeto"Liaoning-Financo", kaj en kontado, financo, kaj interna revizio. 
En libera tempo mi ŝatas legi librojn, kaj vojaĝi ĉirkaŭ la mondo dum ferioj por malkovri novajn komprenojn kaj sperti malsamajn kutimojn. 
En la venonta tempo mi tre volonte plifortigos kontakton kun geamikoj de Esperanto tra la mondo, donos helpon al la ĉinoj kun alilandaj naciecoj kaj transmaraj ĉinoj, samtempe trovos alian homan pejzaĝon kaj faros miajn proprajn klopodojn por disvolviĝo de Esperanto.
 

Mia nomo estas Wu Tong. Mi loĝas en la urbo Shenyang, Ĉinio. Mi havas 58 jarojn. Mi estas universitata librotenistino. Mi ŝatas pentradon, deklamadon kaj jogon. Mi partoprenis la recitadon de Esperantaj poemoj en julio 2020. Mi enviis vidi instruiston Liu Weijie legi Esperantan poemon. Mi estis la unua studento, kiu kandidatiĝis por la Esperanto-retkurso de Liaoning-a Esperanto-kultura Klubo. S-ro Liu Weijie estas instruisto de la kurso.

Saluton. Mia nomo estas An Liqun. Mi loĝas en Shenyang, Liaoning, Ĉinio. Shenyang nun estas en vintro. Mi amas Esperanton. Lerni Esperanton gajigas min.
Nun mi estas membro de Ĉina Esperanto-Ligo. Mi ŝatas legi, kanti, danci, kuiri. Tio estas mia foto. Mia vivo estas feliĉa.
Kiam vi lernis Esperanton? Kial vi lernas Esperanton? Mi tre ĝojas konatiĝi kun vi. 
 

Saluton! Mia nomo estas Wang Xiaoli. Mi havas kvindek kvin jarojn. Mi estas instruistino . Nun mi instruas la anglan lingvon en mezlernejo de la urbo Jiyuan, Ĉinio.
Mi ŝatas muzikon, legadon kaj promenadon en la parko aŭ placo.
En septembro 2020, mi fariĝis membro de la Liaoning Esperanta Kultura Klubo. Kaj mi eklernis Esperanton. Kial mi lernas Esperanton? Estas agadoj de sinjoro Liu Weijie, kiuj vekas mian atenton.
En kvardek jaroj sinjoro Liu Weijie dissemas la semojn de Esperanto. Mi legis liajn poemojn, artikolojn kaj librojn pri Esperanto. Kaj mi scias, ke Esperanto estas ne nur bela lingvo, sed ankaŭ portas mesaĝon de paco. Esperanto estas paca lingvo.

Mia nomo estas Wang Liqiu. Mi estas instruistino de la angla lingvo.
Mi loĝas en la malgranda urbo Fuxin, Liaoning, Ĉinio.
Mi lernas Esperanton en Liaoning Esperanto-kultura Klubo jam kvar monatojn de instruisto Liu Weijie. Per Esperanto mi vidas la pacan spiriton .
Ni salutas vin, min, lin, per Esperanto. Ĝi estas interesa, mi ŝatas ĝin. Mi volas lerni Esperanton bone. Kia estas vi？

Karaj tutmondaj geesperantistoj, ricevu miajn plej sincerajn salutojn!
Mi nomiĝas Honoré Sebuhoro, loĝanta orientparte de DR Kongo. Ja, mi edziĝis, patro de 5 infanoj kaj nuntempe gvidanto de Verda Stelano-Klubo en nia distrikto Rutshuru.

Karaj, kiel mi esperantistiĝis? Du Esperanto-spertuloj, Renato Corsetti el Britio (tiam en Italio) kaj Hans Bakker el Nederlando, interesis min pri Esperanto ekde 2005. Do, plaĉis al mi aniĝi en la Esperanto-movado, ĉar mi mem konkludis, ke ĝi estas belsona, paca, neŭtrala, sendiskriminacia kaj unueca internacia lingvo. Do, por mi ĝi estas logika, liberesprima kaj vivanta lingvo eterne.
Fine, jen miaj 10 ĉefaj senpagaj konsiloj. Vi trovos la legaĵon ĉi tie.
 

Saluton!
Mi estas Alessandro, mi loĝas en Italio. Mi lernis Esperanton en 2002 sed poste mi ne uzis tion. Mi forgesis vortojn kaj gramatikon. Nun mi relernas Esperanton, mi estas memlernanto.
Mi ŝatas legi librojn, mi verkas ankaŭ mallongajn rakontojn. Dum la semajnfino mi ekskursas tra la montoj meze de arbaroj. Mi amas la naturon.

Saluton de la frenezaj geavoj el Francio, kiuj vojaĝas alimaniere dank'al esperanto............
Ni neniam sufiĉe dankos Esperantujon.......................
Nia vivo ŝanĝiĝis danke al ĉiuj....................
Kompreneble ni estas en Pasporta Servo, do.............vi ja scias, kio estas faronta...................por ke ni brakumu unu la aliajn.
Alia solvo estas partopreni en esperantaj eventoj............kiel IJK.............
Ĝissssssssssssssssssssstefano+Beti

×
×
  • Aldoni novan...

Gravaj informoj

Por bone funkcii, uea.facila uzas kuketojn. Legu nian Privatecan politikon por ekscii kiel ni uzas viajn informojn kaj la Uzkondiĉojn por esti uzanto de la retejo.

  I accept