Salti al enhavo

Ĉiu aktivado

Tiu fluo aŭtomate ĝisdatiĝas     

  1. Today
  2. Judit

    Denaskuloj

  3. Anna

    Kajto: Masko

    Tre bela kanto! La lingvaĵo ne estas facila - fakte mi persone donus al ĝi nur du stelojn, tamen ĝi vere estas spektinda kaj la subtitoloj helpas. Lernantoj povos re-spekti ĝin kaj iom post iom serĉi la vortojn en la vortaro. La homo, kiu faris la filmeton, evidente dediĉis amason da tempo por serĉi la ĝustajn fotojn por ilustri la kanton.
  4. Anna

    Semajno de Internacia Amikeco

    Jes, oni certe povus ellasi tiun verbon. Sed oni ne nepre devas ellasi ĝin.
  5. Anna

    Nova retejo por novaj esperantistoj

    Bonvenon, Radom! Ni esperas ofte revidi vin ĉi tie.
  6. Rico

    Gerda malaperis!

    Gerda malaperis! Claude Piron. Chapecó: Fonto, 1983. 48 paĝoj, 21 cm. Prezo: €6.90. Kiam novaj lernantoj volas plibonigi sian lingvo-kapablon, ili kutime serĉas librojn, kiuj ne havas tro da malfacilaj vortoj aŭ gramatikaĵoj kaj kiuj povus samtempe tikli la imagon. Tiel, ili legas la libron ĝis la fino. Unu tia libro por Esperanto-lernantoj estas Gerda malaperis!, la fama libro de Claude Piron kaj bona amiko de novaj esperantistoj. Temas pri krim-romaneto, kiu kaptas la atenton de la legantoj tuj de la unua paĝo kaj ne forlasas ĝin ĝis la fino de la rakonto, kiam la mistero solviĝas. La libro taŭgas por komencantoj kaj progresantoj, ĉar ĝi komenciĝas per tre facilaj, ĉiutagaj vortoj kaj gramatiko. Iom post iom, ĝi fariĝas pli defia, donante al la lernanto multajn eblecojn por sukcesa lernado per ripetado de lingvaj strukturoj en malsamaj kuntekstoj. La mistero komenciĝas, kiam tri studentoj observas strangan okazaĵon en la kafejo de universitato: virino, kiu estas sperta kriptaĵosciencisto, malaperas (aŭ ĉu iu kaptis ŝin?). Ili devas solvi la misteron. La leganto sekvas la aventurojn de la studentoj ĝis la solvo de la mistero. La libro povas esti uzata kiel helplibro dum kurso, aŭ en memlernado. Eblas ankaŭ spekti filmon de la rakonto. Se vi ankoraŭ ne legis iun ajn libron en Esperanto, tiu ĉi aventur-romano estus sendube tre bona unua legolibro por vi. La libron oni povas aĉeti ĉe la libroservo de UEA. Ĝi estas legebla ankaŭ senpage en la reto. .
  7. Hieraŭ
  8. Esperanto Radom

    Legado estas agado

    "Revenu ofte". Ĝuste, mi esperas ofte reveni al tiu-ĉi paĝaro.
  9. Esperanto Radom

    JES? JES!

    Nekredeble! Ĉu vere ĉi-jara JES okazos en GŁuchołazy? Tiu-ĉi urbeto estas bone konata de mi. En Głuchołazy loĝas mia fratino kaj mi de tempo al tempo vizitas ŝin kaj aliaj familianojn en tiu ĉirkaŭaĵo.
  10. Esperanto Radom

    Nova retejo por novaj esperantistoj

    Bonega ideo! Mi promesas eble la plej ofte viziti ĉi-tiun retejon.
  11. scivolemo

    Semajno de Internacia Amikeco

    Ĉu ĝi bonas - “Dum pasas ..... “ ? Ĉu nepras uzi la verbo "pasi" ĉi tie ? Ĉu oni ne povas tutsimple eviti ĝin ?
  12. Anna

    Vespertoj

    La suba artikolo unue aperis en la revuo Juna amiko n-ro 1/2018. Ĝi estas iom simpligita laŭ la vortlisto de uea.facila. Vespertoj estas flugantaj mamuloj, ne birdoj. Ili estas varm-sangaj, kaj la haŭto estas har-kovrita. Vesperta flugilo estas formita el maldika haŭto, kiu kovras la ostojn kaj la interspacojn de la brako, mano, tre longaj fingroj, kaj kruro. La plejmulto de la vespertoj povas trovi sian vojon en mallumo pro sia mirinda aŭd-kapablo. Fluganta vesperto eligas ultrasonajn vokojn, kiuj ĉe frapado kontraŭ objekto revenas kiel eĥo. Ĉi tion la vesperto aŭdas sufiĉe frue, por ke ĝi ne batiĝu kontraŭ la objekto. Vespertoj estas troveblaj preskaŭ ĉie en la mondo, kaj iuj el ili migradas. Unu el la plej oftaj estas la malgranda Pipistrelo. Dum flugado ĝi movas sin rapide kaj turniĝas tien kaj reen. Ĝi ofte dormas en grenejoj, preĝejoj kaj malnovaj domoj. Longorela Vesperto estas facile rekonebla pro la longaj oreloj. Ofte ĝi vintrodormas en kavernoj, kie oni povas ĝin preni en la manon kaj konstati, ke ĝi estas malvarma kaj malmola. Foto: Joxerra ahartza CC BY-SA 3.0 Noktolo estas trovebla en grandaj urboj kaj estas videbla dum flugado en parkoj kaj similaj spacoj. Tiuj tri specoj de vespertoj estas malgrandaj kompare kun la grandegaj vespertoj de varmegaj landoj, nomitaj Fruktaj Vespertoj, kiuj havas flugil-larĝecon de unu metro. En Aŭstralio vivas vesperto Fluganta Vulpo – la plej granda vesperto sur nia planedo, kun du-metra longeco de la malfermitaj flugiloj. José de Jesus Campos Pacheco
  13. Pasinta semajno
  14. Anna

    Semajno de Internacia Amikeco

    Dum la lasta plena semajno de februaro, ĉi-jare inter la 18-a kaj 24-a, esperantistoj festas Semajnon de Internacia Amikeco. Ĝia emblemo estas du interpremiĝantaj manoj sub la Esperanta stelo. Sube estas la vortoj “Amikeco trans limoj”. La ideo de la Semajno estis proponita en 1968 de la tiama vic-prezidanto de UEA, sveda aktivulo Eric Carlén. La celo estis krei fortan, belan tradicion inter esperantistoj kaj samtempe prezenti Esperanton al vasta publiko en tute nova maniero. Carlén proponis, ke esperantistoj kontaktu sialandajn gazetaron, radion kaj televidon por informi pri la Semajno, pri ĝiaj celoj kaj la aranĝoj ligitaj kun ĝi. Dum klubaj renkontiĝoj esperantistoj komune verkis poŝtkartojn kun la emblemo de la Semajno por sendi al eksterlandaj esperantistaj kaj neesperantistaj amikoj. En la nuntempa mondo pro la interretaj kontaktoj kaj kunlaboro, tiuj tradiciaj manieroj festi la Semajnon ne plu aktualas. Tamen estas ankoraŭ grave flegi amikajn pensojn kaj sentojn por prizorgi kaj firmigi nian komunan identecon. La Semajno donas apartan okazon por tio. Dum pasas la Semajno de Internacia Amikeco, samtempe okazas Internacia Tago de la Gepatra Lingvo, jam la 20-an fojon en 2019. Ankaŭ tio estas okazo por ke esperantistoj plenvoĉe prezentu sian starpunkton pri justa monda lingvopolitiko. Ĉirkaŭ tiuj du aranĝoj povas do en la lasta plena semajno de februaro centriĝi la programoj en niaj tradiciaj kluboj kaj grupoj. Tiam ni bonvenigos ankaŭ neesperantistajn interesiĝantojn kaj kunlaborantojn. Semajno de Internacia Amikeco povas kunligi esperantistojn ankaŭ virtuale en Interreto por kontaktiĝi kaj interŝanĝi spertojn. Gravas, ke tiuj aranĝoj ĉirkaŭ Semajno de Internacia Amikeco kaj Internacia Tago de la Gepatra Lingvo bele kaj ĝoje speguliĝu en niaj retpaĝoj, blogoj, fejsbukaj afiŝoj, kaj en Esperantaj radio- kaj televido-elsendoj. Ni ne forgesu informi pri ili! Barbara Pietrzak
  15. Rico

    Maurizio Giacometto

    Mi estas redaktoro de uea.facila, por la rubriko 'Libroservo'. Mi loĝas en Britujo, okcidente de Londono. Mi ŝatas librojn kaj Esperanton. Do Esperantaj libroj estas tute bona afero laŭ mi.
  16. Anna

    Kiu estis Kabe?

    Kompreneble estas bedaŭrinde se tre aktiva esperantisto kiel Kabe subite ĉesas aktivi. Sed tiaj aferoj normale okazas en iu ajn movado, ekzemple multaj esperantistoj estas tre aktivaj en la junulara movado, sed poste ili geedziĝas, naskas infanojn, devas pensi pri siaj laboro kaj kariero, kaj praktike ĉesas okupiĝi pri Esperanto (kelkaj revenas al ĝi post 20 jaroj). Esperanto ne estas religio, kaj se la homoj ne plu deziras aktivi, ili rajtas! Mi certe ne malŝatas Kabe pro tio, sed estus interese scii, kial tio okazis.
  17. scivolemo

    Kiu estis Kabe?

    Kion pensas vi pri la esperantistaj neaktivuloj kiel Kabe ( -- kiuj forlasas la ujon / movadon ) ? Mi fojefoje vidis ke iuj Esperantistoj malamas / malŝatas ilin.
  18. Rico

    Romo

    Mi spektis la filmeton kaj mi ne taksis la sintenon de la intervjuistino negativa. Laŭ mi ŝi ŝajnis ne tro informita (aŭ eble misinformita) pri la movado kaj eble tial ŝiaj demandoj ŝajnis negativaj. Estas interese ke ni ricevis malsaman impreson de la programo. Eble mi devus spekti ĝin denove! Tamen, bonega varbilo por Esperanto. Gratulojn al Chiara, Gabriele kaj Mario! Estus bone havi similajn programojn en aliaj naciaj televidaj kanaloj.
  19. Rico

    Internacia Tago de la Gepatra Lingvo

    >>Ĉu ĉiuj Esperanto parolantoj estas pacemaj, bonvolemaj ktp. ? Nu, homoj estas homoj. Do en ĉiu aro da homoj vi trovos la tutan gamon da ecoj. Kelkaj estas bonaj ecoj, kelkaj iomete malpli bonaj. Tamen, mi konsentas kun Jean-Claude kiam li diras, ke en la Esperanto-komumuno estas multe pli da pacemaj kaj bonvolemaj homoj ol en la ordinara socio. Tia certe estas mia sperto. Sendube estas multe da Esperanto parolantoj, kiuj ne pensas pri la interna ideo de paco kaj toleremeco. Sendube estas ankaŭ multegaj, kiuj ja pensas (kaj pensis) pri tiaj ideoj. Kaj tiaj ideoj igis la lingvon sukcesa. Aliaj planlingvoj malsukcesis ĉar ili estis nur lingvoj. Esperanto estas pli ol simpla lingvo.
  20. Anna

    Romo

    Ŝi ne precize estis malafabla, sed ŝi havis iom negativan sintenon pri la atingoj de Esperanto kaj tio montriĝis en ŝiaj demandoj. La demandoj estis de la speco "Kial Esperanto ne sukcesis?"
  21. Anna

    Kiu estis Kabe?

    Estas malfacile respondi tiun demandon, ĉar mi mem legis "La faraono" antaŭ tiom da jaroj (eĉ da jardekoj!), ke mi ne plu memoras, ĉu mi trovis ĝin malfacila. Mi supozas, ke ne, ĉar mi ja finis la libron. Kaj tio estas la ĉefa afero: "La faraono" estas tre longa libro. Se vi povas legi ĝin sufiĉe rapide, sen konstantaj paŭzoj por kontroli vortojn en la vortaro, ĝi estas sufiĉe ĝuinda legaĵo. Sed se vi devos ĉiam halti por serĉi en la vortaro, vi certe neniam sukcesos finlegi. Mi sugestas, ke vi provu la unuajn paĝojn de la versio senpage trovebla en la reto, por malkovri, ĉu vi sufiĉe facile komprenas ĝin.
  22. trinukso

    Kiu estis Kabe?

    Ĉu la tradukaro de Kabe taŭgas por progresantoj?
  23. trinukso

    Romo

    Kial la intervjuisto ne estis afabla?
  24. Anna

    Romo

    La itala televida kanalo RAI3 la 18-an de februaro dissendis 10-minutan televidan programon kun la titolo Esperanto lingua d’arte e di lavoro (Esperanto, lingvo de arto kaj de laboro). Estis intervjuataj tri italaj esperantistoj: Chiara Raggi, kantistino, Gabriele Corsetti, denaska esperantisto, kaj Mario Magliucci, verkisto kaj aktoro. La tri prezentiĝis bone, malgraŭ la ne tre amika sinteno de la intervjuisto.
  25. Anna

    Kiu estis Kabe?

    Kabe estis la plumnomo de Kazimierz Bein, elstara esperantisto el la unua jardeko de la pasinta jarcento. Li naskiĝis en Pollando en 1872, kaj li lernis Esperanton en 1903, vidinte Esperantan rubrikon en angla revuo. Tio vekis lian intereson, kaj li aĉetis lernolibron. Li rimarkis, ke “post kelkhora laboro” li jam povas legi preskaŭ ĉiajn tekstojn sen vortaro. Same kiel Zamenhof, li estis okulkuracisto, do li decidis viziti sian kolegon Zamenhof ĉe lia laborejo. Tiel komenciĝis lia Esperanta agado. Li tre rapide fariĝis aktiva tradukisto, kaj baldaŭ famiĝis sub sia plumnomo Kabe (por KAzimierz BEin). Li estis esperantisto nur de tri jaroj, kiam en 1906 li fariĝis vic-prezidanto de la Akademio de Esperanto. Li verkis la unuan unu-lingvan vortaron de Esperanto, en kiu la vortoj ne estis tradukitaj, sed difinitaj en Esperanto mem, kun utilaj ekzemplo-frazoj. La unua eldono de Vortaro de Esperanto aperis en 1911. Nuntempe li estas fama inter esperantistoj ĉefe pro traduko de ampleksa romano el la pola, La faraono de Bolesław Prus. La tri dikaj volumoj de tiu traduko ankoraŭ troviĝas en klub-bibliotekoj tra la mondo, kaj ankaŭ en la reto, se vi volas rigardi ilin. Kvankam tio estas lia plej konata verko, li produktis multajn aliajn tradukojn (neniam originalajn verkojn), kaj estas apenaŭ kredeble, ke li sukcesis produkti tiel ampleksan verkaron dum la mallonga periodo, nur proksimume ok jaroj, de sia Esperanta agado. Sed Kabe estas plej fama inter esperantistoj ne pro sia vortaro, nek pro siaj tradukoj, sed pro sia subita kaj sen-klariga malapero el la Esperanta movado en 1911. Tiel ekestis nova verbo en Esperanto: kabei (aŭ foje kabeiĝi), kun la signifo “post antaŭa aktiveco, forlasi la Esperanto-movadon”. Kabe neniam kontentige klarigis la kialon de tiu subita retiriĝo. En 1931 li konsentis esti intervjuata de la grava revuo Literatura mondo, kaj tiam li parolis pri neprogreso de Esperanto kaj pri sia opinio, ke tia neprogresanta lingvo ne povos esti solvo de la monda lingvo-problemo. La profesia laboro de Zamenhof kiel okulkuracisto certe suferis pro lia okupiĝo pri Esperanto; kontraste, Kabe fariĝis en 1908 unu el la fondintoj kaj la unua direktoro de la Varsovia Instituto pri Okul-kuracado. Estas facile imagi, ke li tutsimple ne plu trovis tempon por okupiĝi ankaŭ pri Esperanto. Eble estis ankaŭ personaj kialoj, ekzemple malbonaj rilatoj kun aliaj esperantistoj. Sed tiuj estas nur supozoj. Neniu scias kial de 1911 ĝis sia morto en 1959, Kabe neniam plu okupiĝis pri Esperanto. Foto de Matuszewski, Ignacy (1858-1919) - Cyfrowa Biblioteka Narodowa Polona Grupo de esperantistoj. Staras de maldekstre: Leon Zamenhof, Kazimierz Bein (Kabe), Aleksander Bolesław Brzostowski, nekonata, nekonata, Adam Zakrzewski. Sidas de maldekstre: nekonata, Jan Günther, Ludoviko Zamenhof, Antoni Grabowski, Leo Belmont.
  26. Jean-Claude Roy

    Internacia Tago de la Gepatra Lingvo

    Estas amuze! Ĵus antaŭ legado de la mesaĝo de scivolemo mi pensis en mi mem purigante la manĝilaron: jes, kompreneble ne ĉiuj esperantistoj estas pacamaj, bonvolemaj, amikemaj, fratemaj ktp sed en la komunumo de la esperantistoj estas multe pli da tiaj personoj ol en la ordinara mondo. Eble en aliaj bravaj societoj same ekzistas plimulto tre afabla, bonkorema ktp sed mi vere scias ke tiel estas en Esperantujo. Certe la "interna ideo" de Esperanto influas kaj efikas por pli bona mondo. Ni plu montru nian trezoron, kaj ni uzu ĝin kaj ni arigu multe pli da amikoj. Danke al Esperanto "En la mondon venis nova sento...."
  27. Anna

    Internacia Tago de la Gepatra Lingvo

    Estas apenaŭ kredebla fakto, ke en Germanujo dum la 30-aj jaroj ekzistis eĉ esperantistaj nazioj. Ili tradukis paroladon de Hitler, tute ne menciis Zamenhof en sia propagando, kaj elpelis ĉiujn judajn membrojn. Mi ĝojas diri, ke tamen multaj membroj proteste eksiĝis el la asocio pro tiaj agadoj. Kaj finfine tio ne helpis ilin, ĉar la asocio estis devigata malfondi sin. La idealoj de Esperanto pri paco kaj internacia komunikado ne estis akordigeblaj kun la ideoj de Hitler, laŭ kiuj la "arjoj" (la germana raso) estas supera al ĉiuj aliaj.
  28. Tim

    Internacia Tago de la Gepatra Lingvo

    Mi iam renkontis homon, kiu plendis, ke kvankam ĉiuj ĉe loka klubo estis tute afablaj, kiam li unuafoje alvenis, ili tamen ĉesis paroli kun li, kiam li diris, ke li estas faŝisto. Do jen almenaŭ unu homo sufiĉe malsama al la ĝeneralaj esperantistoj
  1. Ŝarĝi pli da aktivado
×

Gravaj informoj

Por bone funkcii, uea.facila uzas kuketojn. Legu nian Privatecan politikon por ekscii kiel ni uzas viajn informojn.