Zepo la zebro.

Dankon pro via esperantigo!

Mi havas lingvan rimarkon: " ĝis venis du birdoj por helpi lin."

En Esperanto, estu "ĝin", por eviti anglaĵon. 

En la angla certe estas "he", sed en Esperanto, "ĝi" koncernas hejmbestojn kaj infanojn.

Persone, mi uzas "ĝi" ankaŭ por nekonataj homoj, sekvante la ekzemplon de Zamenhof en "Marta" kaj ankaŭ lian rekomendon.

(Mi zorge atentas uzi Fundamentan Esperanton kaj ne Esperanglaĵon.)

Amike,

Ankaŭ mi demandis min, ĉu la zebro estu "li" aŭ "ĝi". Sed kiam mi aŭskultis la filmeton, mi aŭdis, ke temas pri virzebro. Kompreneble, se oni scias la sekson de la besto, oni povas uzi "li" aŭ "ŝi".

Grava demando, tamen, estas kial la zebro estas vira. Oni estus povinta rakonti la saman rakonton pri zebrino, sed oni plej ofte elektas viran beston. Escepto estas nur bovinoj kaj kanguruoj (eble ankaŭ ŝafoj), kiuj kutime estas prezentataj kiel inoj.

En la franca, kanguruo estas "il" (li), ankaŭ ŝafoj.

Sed en Esperanto, estas por mi neniu dubo, ili ĉiuj estas ĝi! 

(Kaj ankaŭ miaj karaj katoj, Zam kaj Hof, estas "ĝi". Estus vere tre strange nomi ilin "li"...) 

Ĉu vere? Se mi vidas katon aŭ hundon en la strato, mi diras "ĝi". Sed se temas pri mia propra hejmkato, mi konas ĝin, kaj mi kompreneble diras "ŝi" aŭ "li". Rilate al bovinoj, mi normale dirus "ĝi", kvankam mi scias, ke ĝi nepre estas ina, sed en infanlibroj oni povus diri "ŝi", se oni homigas la beston, kiel Zepon la Zebro en la filmeto. Tial mi menciis kanguruojn, ĉar en infanlibroj nepre temas pri la kangurupatrino, kiu portas idon en sia poŝo. Neniu interesiĝas pri la kompatinda kangurupatro!

@Fransoazo respondis retpoŝte al via komento, @Anna, jene:

Kaj la francoj eĉ ne havas nomon por tiu kanguruino!

Kaj mi ankaŭ ne diras "en la strato", kiel en la franca, sed "surstrate".

Strange al mi, ke hejmbesto estus li aŭ ŝi, kaj apuda infano estus "ĝi"...