Nova retejo por novaj esperantistoj

Gratulojn pro la bonega retejo! Mi intencis ĉi-jare restarigi en reta formato mian revuon "AmUzE", kiu naskiĝis antaŭ 20 jaroj, sed tre mallonge vivis pro financaj kialoj. Ĝia slogano estis: "Bunta, facil-stila, distra kaj utila"- mi vidas, ke tiu ĉi retejo faras preskaŭ ĉion, kion mi mem deziris fari. Do verŝajne mi repripensos miajn planojn kaj kreos ion alian.

Kaj dume mi uzos kaj vaste rekomendos la facilan retejon! Dum nia sekva monata kunveno en Sofio mi prezentos ĝin. Aŭ, estus pli bones se iu el la kunlaborantoj pretus mem prezenti ĝin per skajpo. Temas pri la 19a de februaro, je la 12a horo laŭ UTC. Kiu ŝatus gasti al ni virtuale?

Sugesto al la manstrumantoj: Laŭ mi ege utilus, se estus unu paĝo, en kiu oni kolektu komentojn kaj sugestojn pri la retejo mem, ne pri apartaj artikoloj.

Bonega iniciato.
Komencantoj estas diversaj, inter ili estas ankaŭ homoj aĝaj kaj seriozaj sendepende de aĝo, do por ili ne konvenas revuo "Juna Amiko".
Tamen.
Ili ŝatas legi ne (nur) artikolojn, ja ankaŭ beletron: poemojn, nelongajn rakontojn. Ankaŭ tio devas esti en la retejo.
Hieraŭ mi diris la samon en fejsbuko, kaj nur alia persono indikis, ke tie estas du poemetoj de Liven Dek. Nun mi ne povas ilin retrovi el la hejmpaĝo.

Konkretan paĝon kun tiuj poemetoj mi legis, sed mi scivolas, ĉu legeblas aliaj beletraĵoj.
Do bonvolu modifi la serĉ-menuon, ke beletraĵoj estu facile troveblaj. Kaj certe, la beletraĵoj mem estu multaj.

Mariana skribis: "Kaj dume mi uzos kaj vaste rekomendos la facilan retejon!  Dum nia sekva monata kunveno en Sofio mi prezentos ĝin. Aŭ, estus pli bone, se iu el la kunlaborantoj pretus mem prezenti ĝin per skajpo. Temas pri la 19a de februaro, je la 12a horo laŭ UTC. Kiu ŝatus gasti al ni virtuale?"

Anna respondas:

Multajn dankojn pro via entuziasma kuraĝigo! Rilate al la skajpa prezento, bonvolu skribi al ni per "Kontakti nin", por ke ni interkonsentu.

vmel2001 skribis: "Hieraŭ mi diris la samon en fejsbuko, kaj nur alia persono indikis, ke tie estas du poemetoj de Liven Dek. Nun mi ne povas ilin retrovi el la hejmpaĝo."

Anna respondas: Tio okazis, ĉar por malfermi la retejon ni jam enmetis plurajn artikolojn, kaj tiu de Liven Dek aperis nur en la dua aŭ tria paĝo. Normale ne aperos tiom da novaj artikoloj samtempe, kaj la plej nova aperos en la hejmpaĝo, do estos pli facile videbla. Por trovi beletraĵojn, rigardu en la kategorio "Legaĵoj".

Kaj Mariana kaj vmel volas pli da beletraĵoj. Tio estas bona konsilo por la redaktoro!

antaŭ 6 horoj, Anna diris:

Rilate al la skajpa prezento, bonvolu skribi al ni per "Kontakti nin", por ke ni interkonsentu.

Anticipan dankon, mi skribos tuj.

Dankon pro ĉi tiu retejo (kreis uea.facila.org). Estas bona ideo, laŭ mi.

Dankon, @Tony. Plaĉis al mi legi tiun vian respondon

Dankon ankaŭ de mi! Kaj dankon ankaŭ al la aliaj homoj, kiuj skribis al mi tre pozitive pri la nova retejo. (Kaj dankon, kompreneble, ankaŭ al tiuj homoj, kiuj kritikis kun utilaj sugestoj pri plibonigoj!)

Bonega ideo! Mi promesas eble la plej ofte viziti ĉi-tiun retejon.

Bonvenon, Radom! Ni esperas ofte revidi vin ĉi tie.

Multan dankon pro tiu valora retejo! Mi konsilas ĝin al miaj lernantoj. Mi kiel eble plej ofte uzas la Facililon por blogi en Esperanto. Tiu ilo ankaŭ estas tre valora. Ĉu ie ekzistas pli da klarigoj pri kiel oni kreis tiun liston da vortoj (ekzemple, kiel oni elektis tiun aŭ tiun vorton, kaj tiel plu) ?

Plian dankon,

Dankon, Nelli, mi ĝojas, ke vi trovas la retejon utila! 

Citaĵo

Ĉu ie ekzistas pli da klarigoj pri kiel oni kreis tiun liston da vortoj (ekzemple, kiel oni elektis tiun aŭ tiun vorton, kaj tiel plu) ?

Tio estas interesa demando, tro ampleksa por rapide respondi en komento. Mi provos baldaŭ verki pri tio artikolon.

Rilate al Facililo ĝi estas tre utila ilo, sed atentu, ke foje ĝi akceptas vorton, kiu ne troviĝas en la listo, ĉar ĝiaj elementoj ŝajnas esti akcepteblaj. Ekzemple en la artikolo pri Gerda malaperis Facililo senprobleme akceptis la vorton "mistero". Evidente ĝi vidis la elementojn mis+ter+o, kiuj estas en ordo laŭ la listo. Tamen la plena vorto "mistero" ne troviĝas tie!

Dankon Anna pro via respondo!

Elkoran saluton el Pakistano kaj gratulon por la nova retejo por Komencantoj kaj ĉiuj Esperantistoj.

Mi deziras plu da sukcesojn al la redaktoro kaj al la helpantoj.

Saluton ankaŭ al vi, Muhammad! Mi esperas, ke vi ĝuos legi la novan (tamen ne plu tre novan!) retejon.

Tre ege grandioza ideo. Salutojn al ĉiuj el Havano, Kubo, Mario. ✌