Salti al enhavo

... sed hejme plej ĉarme

Eblas aŭskulti ĉi tiun artikolon, kiun voĉlegis Derek Roff

    Eta ĉambro. Malvarma kaj profunda silento, reliefigita de la teda takto de mekanika horloĝo. Sur la planko, du infanoj ludas. Apude, la patro legas ĵurnalon kaj la patrino trikas puloveron...

    Subite ŝi murmuras tra-dente, iom melankolie:

    – Kiomfoje vi legis tiun artikolon en la lastaj monatoj?

    Silento. Longa, tre longa silento kun tiktakoj, ĝis la viro flustras senemocie, ne levante la okulojn de sur la ĵurnalo:

    – Tiomfoje kiom vi malfaris tiun puloveron por triki ĝin denove.

    Ekstere, super ili, super tiu silento kun tiktakoj, la tera surfaco tradormas falsan nokton de nuklea vintro.

Liven Dek
 

Liven Dek estas Esperanta verkisto, vortaristo kaj eldonisto, membro de la tiel nomata “Ibera Skolo”, kaj nuna sekretario de la komisiono de Belartaj Konkursoj de UEA ekde 2016.

  • falsa: malvera.
  • flustri: paroli subvoĉe.
  • ĵurnalo: ĉiutaga gazeto.

27460474_urnalo.jpg.c6c90493f1f6f18cb0641c47362ce6aa.jpg                                        Foto: Wikimedia/Pensiero

  • mekaniko: la arto konstrui maŝinojn.
  • melankolia: malgaja.
  • nukleo: la centra parto de atomo. 

1340087993_Nukleopx..png.9ae065566beb551419c801a860d7f3e7.png

  • pulovero: varma vesto por la supra parto de la korpo kaj la brakoj, kiun oni surmetas, tirante ĝin super la kapon.

1266551148_Puloveropx..png.e756047de0b8cc1a4005a5bd671cf138.png

  • reliefo: elstaranta art-verko sur muro aŭ simile; elstaranta parto en komparo kun la cetero.

249115004_ReliefoWkp..jpg.3a64cde5adce7ec69f0d06ccba44e588.jpg                 Foto: Wikimedia/Zereshk  CC-BY SA 3.0

  • surfaco: supraĵo; supra aŭ ekstera flanko de io.

234302551_Surfacopx..jpg.7f302f99f56bd0fbce8264d1e5e94795.jpg

  • takto: la nombro kaj ofteco de regulaj batoj en muziko.
  • teda: malinteresa.
  • tiktako: la regula sono de horloĝo.
  • triki: speco de manlaboro per fadeno inter du iloj por fari ŝtofon.

868643746_Trikadopx..jpg.f566c6810cba3b3b3efb3b309828daad.jpg

  • Ŝati 6
  • Ami 1


Uzanta eĥosono

Rekomendataj komentoj

Sed kial li legas la saman artikolon cxiu-tage ? Kaj kial sxi  retrikas la puloveron ?

Cxu ili perdis cxiujn aliajn ajxojn dum la nuklea atako aux tragedio ?

Disdoni tiun ĉi komenton


Ligo al komento
Kunhavigi en aliaj retejoj
antaŭ 41 minutoj, Anna diris:

Necesas demandi la verkinton!

mi neniam demandus verkiston pri io tia. mi jam konas la respondon: 'en la franca oni diras tiel'.

Redaktite de renato_corsetti

Disdoni tiun ĉi komenton


Ligo al komento
Kunhavigi en aliaj retejoj
antaŭ 8 horoj, scivolemo diris:

Sed kial li legas la saman artikolon cxiu-tage ? Kaj kial sxi  retrikas la puloveron ?

Cxu ili perdis cxiujn aliajn ajxojn dum la nuklea atako aux tragedio ?

Tion la leganto devas mem decidi! Sed la mencio pri nuklea vintro ja donas la impreson, ke okazis ia terura atako, kiu detruis la socion.

  • Dankon 1

Disdoni tiun ĉi komenton


Ligo al komento
Kunhavigi en aliaj retejoj
Je 2020-4-16 at 02:33, renato_corsetti diris:

ĉu 'falsa' signifas 'malvera' aŭ falsanta el la radiko 'fals-i'?

Tamen, Renato, la vorto 'falsa' aperas en PIV, kun pluraj zamenhofaj ekzemploj.  Ŝajnas ke nek Zamenhof nek PIV vidas la fortan kontraston, kiun vi substrekas.  Kompreneble, PIV havas francan influon.  (Ĉu falsan?)  

Disdoni tiun ĉi komenton


Ligo al komento
Kunhavigi en aliaj retejoj

pri aliaj similaj vortoj kiel 'korekta' esperantistoj korektis sin, sed 

'falsa' rezistas pli longe. la problemo estas eble en la naciaj lingvoj, sed tio falsas la tutan sistemon de funkciado de Esperanto, post via mesaĝo mi rerigardis la vortojn sub 'falsi' en PIV kaj la du sistemoj tute kontente kunvivas.

 

Disdoni tiun ĉi komenton


Ligo al komento
Kunhavigi en aliaj retejoj


Aliĝu al la diskutado!

Eblas afiŝi nun kaj registriĝi poste. Se vi jam havas konton, ensalutu nun por afiŝi uzante ĝin.

Gasto
Aldoni komenton

×   Algluita kiel riĉa teksto.   Alglui plat-tekste

  Estas permesate nur 75 emoĝioj.

×   Via ligilo estas aŭtomate enkorpigita.   Montri kiel ligilo

×   Via antaŭa enhavo estas reenmetita.   Malplenigi redaktilon

×   Ne eblas rekte alglui bildojn. Alŝutu aŭ enmetu bildojn per URL.


×
×
  • Aldoni novan...

Gravaj informoj

Por bone funkcii, uea.facila uzas kuketojn. Legu nian Privatecan politikon por ekscii kiel ni uzas viajn informojn kaj la Uzkondiĉojn por esti uzanto de la retejo.