Juha Metsäkallas

Kvankam la metroo en Parizo, Francio, estas fama, ĝi ne estis la unua sur la kontinenta Eŭropo. Tio estas la metroo en Budapeŝto, Hungario, malfermita en 1896. Fakte la unua linio – oficiale M1 sed ĝenerale konata per kromnomoj la malgranda metroo aŭ la flava linio – ankoraŭ ekzistas. La vagonoj ŝajnas antikvaj, kaj tial ofte rolas en filmoj, kiuj priskribas eventojn antaŭ ĉirkaŭ cent jaroj. La linio kaj la vagonoj apartenas al la mondaj heredaĵoj de Unesko.