VK 2020: Virinaj voĉoj (gvidos Stela Besenyei-Merger)

Mi proponas aŭskulti la retan diskutadon inter kvin famaj esperantistinoj. Tiuj virinoj estas el diversaj aĝ-kategorioj kaj mondo-partoj, sed ili ĉiuj estas tre aktivaj en la Esperanto-movado. Ili interŝanĝas siajn opiniojn kaj spertojn pri temoj „virinaj”: kial estas malmultaj virinoj en la estraroj de nia movado, kiel kaj kial la patrineco kaj la financoj influas ilian agadon, ktp.  La preskaŭ unu-hora filmeto ne estas facila, sed la temo estas interesa, kaj la elparolo estas bela kaj bone komprenebla.