Judit

Ami estas stari Mano-en-mane Antaŭ la vivo Kune kun vi. Ami estas manĝi Ĉe sama tablo La ĉiutagan panon Kune kun vi. [Refreno:] Sed vi silentas, ne vidas min kaj miaj vortoj afliktas vin. Sed vi silentas, ne vidas min, ĉar vi ne amas, vi ne amas min. Ami estas danci En somera pluvo Kun nudaj piedoj Kune kun vi. Ami estas sperti Pli feliĉajn tagojn En malfruaj noktoj Kune kun vi. [Ripeti refrenon] Ami estas revi Aŭdacajn revojn En trankvilaj tagoj Kune kun vi. Ami estas kanti En ĉiu vespero Kanti tiun kanton Kune kun vi. [Ripeti refrenon] aflikti: kaŭzi fortan kor-doloron. aŭdaca: preta fari ion malgraŭ danĝeroj, malhelpoj aŭ sociaj premoj. nuda: sen-vesta. refreno: parto de kanto, kiun oni regule kaj plurfoje ripetas. revi: imagi estontan realigon de tio, kion oni forte deziras. revo: imago de feliĉigaj, dezirataj aferoj.

Profunda subpremo ĉagrenas mian koron. Urĝas la afero! ĝi disigas nin. Ŝokaj scenoj, neglekto kaj moko, Viktimoj de la ekskludo. Mi ne estas sola En tiu revoluci´. Aligu niajn voĉojn, ne gravas la vundoj. Sed mi ne estas sola (Urĝas la afero) En tiu revoluci´. (ĝi disigas nin) Aligu niajn voĉojn, (Ni luktas por pluvivi) ne gravas la vundoj. Sed mi ne estas sola (Ŝokaj scenoj) En tiu revoluci´. (neglekto kaj moko) Aligu niajn voĉojn, (Ni estas viktimoj de la ekskludo) ne gravas la vundoj.

BIRDOJ DE UKRAINIAJ MARĈEJOJ Printempe, apenaŭ la suno komencas varmigi la teron, revekiĝas vivo en lagoj, riveroj, vastaj marĉaj teritorioj de deltoj. La akvo, ankoraŭ malvarma, nun preskaŭ bolas pro brulantaj pasioj; kaj aero pleniĝas de amaj triloj. Tiu simpatia birdeto en eleganta nigra-blanka kostumo kaj kun frivola tufeto, aperas sur lagoj kaj marĉejoj fru-printempe. Okazas foje, ke eĉ neĝo ne tute degelis, - sed VANELO jam havas neston. En varmaj printempaj tagoj sur malprofundaĵoj aŭdiĝas laŭta plaŭdado. Tie metas frajon fiŝoj. Sur sablaj insuloj kaj aluviaĵoj ankaŭ bolas pasioj. ŜTERNOJ estas birdoj fajnaj: ilian geedziĝon antaŭas rafinita ceremonio. La masklo, kaptinte fiŝon, proponas ĝin al sia fianĉino. Ŝi akceptas la tributon nur se la brava amindumanto plaĉas al ŝi. Sed ankaŭ li ne estas simplulo. Li ne tuj fordonas fiŝeton, sed incitas la inon, stimulante ŝiajn sentojn. Fin-fine, ili ambaŭ rondiras en edziĝfesta danco, montrante sian reciprokan korinklinon. En birdaj kolonioj estas sufiĉe malvaste, inter birdoj ofte okazas kvereloj. Sed kiam oni estas kune, pli facilas defendi siajn nestojn de diversaj rabistoj. Larĝeco de flugiloj de BLANKVOSTA HALIAETO, proksima parenco de aglo, atingas du kaj duonan metrojn. Siajn kolosajn dumetrajn nestojn ĝi aranĝas sur altaj kaj dikaj arboj. En la nesto kutime troviĝas 2 birdidoj; en ĉi tiu – eĉ tri! Haliaetoj manĝas fiŝojn, kaptas malsanajn kaj feblajn birdojn kaj bestojn; ne preterlasas ili ankaŭ kadavraĵon. La tuta vivo de haliaetoj estas kunligita kun akvo; do, precipe tragike influis ilin poluado de akva medio kaj drenado de marĉejoj. Nun en la sudo de Ukrainio nestas nur kelkaj paroj de tiaj birdoj. Komenciĝas somero. Sur marĉejoj bolas vivo. Nun estas tempo de elkovo de birdidioj ĉe SKOLOPOJ. Tiu ĉi longokrura kaj longobeka buleto estas ĵus naskita birdido de STILZA SKOLOPO. Familiaj klopodoj de ARDEOJ kaj IBISOJ nun plene kulminas. Tiujn neĝoblankajn belulinojn oni preskaŭ ekstermis fine de deknaŭa jarcento pro iliaj luksaj plumoj, kiuj aperas por geedziĝa periodo. Tiam oni ornamis per tiuj plumoj virinajn ĉapelojn! Monaĥe severe aspektas NIGRA IBISO, aŭ FALCINELO. Ĝi estas birdo sinkaŝema kaj silentema. La birdidoj de PLATALEO, aŭ kulerbekulo, tre insiste elpetas nutraĵon de gepatroj. ARDEOJ alterne kovas siajn ovojn. Dum ĉiu deĵorŝanĝo okazas saluta ceremonio. Ne malpli tempeste okazas nutrado de birdidoj ĉe aliuj apudakvaj birdoj, ekzemple, ĉe MALGRANDA KORMORANO. Nerimarkeble trapasas somero, venas aŭtuno, kaj la vivo en marĉejoj trankviliĝas... ĝis la sekva printempo. Listo de birdonomoj por la filmo Vanelo – Vanellus vanellus (Haradriiformes) Ŝterno – Sterna, Thalasseus sandvicensis (Lariformes) Haliaeto – Haliaeetus albicilla (Akcipitriformes) Skolopoj Stilza skolopo – Himantopus himantopus (Haradriiformes) Ardeo – Egretta garzetta (Ardeiformes) Nigra ibiso, aŭ falcinelo – Plegadis falcinellus (Ardeiformes) Plataleo, aŭ kulerbekulo – Platalea leucorodia (Ardeiformes) Malgranda kormorano – Phalacrocorax pygmaeus (Pelecaniformes) Ardeo flava – Ardeola ralloides (Ardeiformes) Pelikano – Pelecanus onocrotalus (Pelecaniformes)

Se velŝipo ekripozus sur la polmo de mia man’ Tiam mi blovus ĝin sentimente Kaj ĝin lasus pluiri ĉiam laŭ la voj' de mia kor' Ho! mia kor’, serenas kiel mar’, Kiu kaŝas tiom da sekretoj pri versoj pereintaj kaj ekstertempaj Rimoj el ventoj kaj veloj Vivo kiu ŝajnas martajd’ La malespera soleco ŝprucas Ĵetante min al tiu kaj’

Se velŝipo ekripozus sur la polmo de mia man’ Tiam mi blovus ĝin sentimente Kaj ĝin lasus pluiri ĉiam laŭ la voj' de mia kor' Ho! mia kor’, serenas kiel mar’, Kiu kaŝas tiom da sekretoj pri versoj pereintaj kaj ekstertempaj Rimoj el ventoj kaj veloj Vivo kiu ŝajnas martajd’ La malespera soleco ŝprucas Ĵetante min al tiu kaj’