Salti al enhavo

Ĉiu aktivado

Tiu fluo aŭtomate ĝisdatiĝas     

  1. Hodiaŭ
  2. Pınar Sel

    7 Literoj

    Estas ne ĉiam facile dediĉi tempon al Esperanto en la rutino de ĉiutaga vivo. Sed dank' al ĉi tiu ludo mi povas havi iom da tempo por Esperanto ĉiutage. Mi povas koni samideanojn el tuta mondo, babili kaj ludi kun ili. Krom tio, mi lernas novajn vortojn. Koran dankon.
  3. trinukso

    7 Literoj

    Dankon pro la klarigoj! Kvankam via programo ne plaĉas al mi, verdire, via programo ŝajnas pli fidinda ol "Vortludo".
  4. egeto

    7 Literoj

    Saluton. Mi estas egeto, la programisto kiu kreis tiun aplikaĵon. Mi plezure volas informi vin pri la spuriloj kaj aliaj aferoj kadre de privateco. Unue, la celata funkcio rigarde al la kolektado de uzanto-datumo jam estas klare priskribita ĉe la publika paĝo "Privateco". Tiu paĝo listigas, kune kun la kialoj, ĉiujn programerojn kiuj kolektas aŭ iel uzas datumojn de uzantoj. Kiel postulata de Google por uzi ilian platformon "Play Store", la ligilo al la paĝo Privateco troviĝas ĉe la paĝo de la aplikaĵo. Tio signifas ke la potencialaj uzantoj ja povas legi tiun dokumenton antaŭ ol ili elŝutos la aplikaĵon. Aldone, la aplikaĵo devigas la uzanton enŝalti butonon kiu diras "Mi akceptas la deklaron pri privateco", kun la ligilo al tiu paĝo. Sen enŝalto de tiu butono, la aplikaĵo ne permesas al la uzanto registriĝi aŭ ensaluti. Do, la aplikaĵo ne nur plene informas pri la manieroj rigarde al datum-kolektado, sed ankaŭ petas konsenton pri tia kolektado antaŭ ol la uzanto havos ŝancon uzi la aplikaĵon. Due, mi volas diskonigi pliajn detalojn kiuj ne troviĝas sur la paĝo Privateco. Lasu min klarigi kial tiuj spuriloj estas ene de la aplikaĵo kaj kiel ili estas uzataj: - Google Firebase Analytics: Tio informas min pri ĝeneralaj, nepersonaj karakterizaĵoj de uzantoj. El kiuj landoj la uzantoj elŝutas, kiom da uzantoj elŝutis ĝin, kiom da ili uzas la lastan version, kiom da ili forigis la aplikaĵon, ĉu uzantoj klakas sur sciigojn ktp. Tiu informo estas tute bezonata por ke mi komprenu kio okazas rilate al la aplikaĵo. Sen tiu informo, mi blindiĝus je kelkaj gravaj aferoj pri uzado de la aplikaĵo kaj sekve povus nek plibonigi nek ripari ĝin. - Facebook Analytics, Facebook Login, Facebook Share: Nur "Facebook login" estas uzata. Tion mi bezonas por ensalutigi uzantojn al la aplikaĵo uzante iliajn facebookajn kontojn. "Analytics" kaj "Share" funkcioj tute ne estas bezonataj. Bedaŭrinde ili estas partoj de Facebook Platformo por Android, do ne eblas al mi aparte forigi ilin sen forigo de "Login". Tamen, post via mesaĝo mi kontrolis la fonton de la aplikaĵo kaj vidis ke "Analytics" estas defaŭlte enŝaltita, kontraŭ mia intenco. Mi nun malŝaltis ĝin. La venonta versio havos la Facebookan platformon kun malŝaltita "Analytics". Trie, bonvole rimarku ke ĉiuj spuriloj (uzate aŭ neuzate) temas pri kialoj kiuj rekte rilatas al la funkcio de la ludo aŭ la aplikaĵo, kaj neniel al reklamado, aŭ aliaj nerilataj kialoj. 7 literoj ne enhavas reklamojn, do ne estas eksteraj reklamfirmaoj kun kiu mi devas disdividi datumon. Fine, efektiviĝonte en la venonta versio, mi ankaŭ streĉigis programerojn Facebook kaj Firebase por ke la datum-kolektado de ili komencas nur kiam ilia funkcio estas nepre bezonata (ekzemple ĝuste kiam uzanto depremas butonon kiu ensalutigas lin pere de la Facebooka konto), kaj ne pli frue. Antaŭe, ili komencis funkcii kaj sendi datumon al siaj serviloj uzanto-datumon en la sama tempo kiam la aplikaĵo komencis (eĉ antaŭ ensaluto). Tio estas ŝanĝo mi jam devis fari por GDPR-konformiĝo. Se vi havas pliajn demandojn pri ĉi tiu temo, aŭ aliaj temoj pri la ludo bonvole ne hezitu demandi. Mi ĝoje respondos.
  5. Pasinta semajno
  6. Anna

    7 Literoj

    Jes vi pravas, ke ni samtempe ricevis informojn pri du tre similaj ludoj. Provu ambaŭ!
  7. Anna

    Kvinpetalo

    Kiel bedaŭrinde, ke vi ne sciis! Nun, se vi revenos iam al Poitiers, vi povos finfine konatiĝi kun ĝi.
  8. Ŝtefan

    7 Literoj

    Interese. Lastsomere preskaŭ la sama ludo jam aperis: http://vortludo.com/
  9. trinukso

    7 Literoj

    Kial vi ne informas uzantojn pri la kvar spuriloj? https://reports.exodus-privacy.eu.org/en/reports/116012/
  10. scivolemo

    Kvinpetalo

    Mi estis ne tre for de tiu loko ( ĉirkaŭ 40 kilometroj ) en Poitiers dum 2 jaroj por mia Magistrastudado. Tiam mi ne sciis pri tiu loko.
  11. Anna

    7 Literoj

    7 Literoj estas nova komputila lud-aplikaĵo el Turkujo programita de sperta esperantisto kaj komputilisto Ege Madra. Ĉu vi iam ludis la tabulludon Skrablo? 7 Literoj estas fakte same al tiu malnova, furora tabulludo. Sed la nova interreta versio proponas novajn pli bonajn kaj interesajn aspektojn. Ĝi permesas al du ludantoj ludi kaj babili interrete. Oni povas uzi ĝin pere de retumilo aŭ per androida telefono aŭ tabuleto). Se vi jam konas la malnovan ludon Skrablo, lerni ĝin estas facila afero. La aplikaĵo estas senkosta kaj sen ĝenaj reklamoj. Vi povas ludi dum via malplena tempo kaj senstreĉiĝi kaj trankviliĝi post laboro. Sufiĉas kelkaj liberaj minutoj por enmeti vian vorton. Sed ĝia plej utila aspekto estas lerni novajn vortojn kaj plibonigi vian lingvo-kapablon, ĉar la aplikaĵo estas interligita kun la reta versio de la plej fama vortaro en Esperantujo: PIV (Plena Ilustrita Vortaro). 7 Literoj ebligas trovi kontraŭulon en la reto por ludi kune, kaj ankaŭ donas eblecon interbabili kun tiu alia ludanto por diskuti pri la progreso de la ludo. Ĝi estas taŭga ludo ne nur por spertaj esperantistoj, sed ankaŭ por komencantoj. Ni certas, ke junuloj kaj plenkreskuloj ŝatos ludi ĉi tiun novan version de Skrablo. Por pli da informoj bonvolu viziti la retejon de la ludo. La androida aplikaĵo proponas multe pli bonan sperton kaj estas preferinda kompare kun la reta versio, kiu estas ĉefe por tiuj, al kiuj mankas androida aparato. Vasil Kadifeli
  12. Pli frue
  13. Multaj Esperantaj filmetoj estas nun troveblaj en la reto, sed bedaŭrinde preskaŭ ĉiuj enhavas lingvajn erarojn, malbonon prononcon aŭ aliajn problemojn, ĉar la plejmulto estas faritaj de amatoroj - precipe nuntempe, kiam multaj novaj homoj lernas Esperanton per Interreto. Mi aŭdis ŝercon, ke en la pasinteco post tri-semajna lernado la homoj komencis verki poemojn, sed en nia moderna mondo post tri-semajna lernado ili faras filmeton. Ne estas facile ĉiusemajne trovi filmeton, kiu estas perfekta en ĉiuj detaloj. Laŭdon kaj grandan dankon al Judit, kiu ĉiusemajne spektas amason da filmoj por trovi taŭgan proponon por uea.facila!
  14. Dankon pro la rekono ke eble la filmo ne estas tre taŭga por komencantoj. En mia lando, ne estas multe da esperantistoj kaj mi timus rekomendi ĉi tiun filmon al ili. Pri la paŭzo: Mi intencis skribi ke la aktoroj ne daŭre parolas en ĉi tiu parto de la filmo, kaj tio povus enuigi spektantojn. Kompreneble, estas multe da senparolaj partoj en multaj naciaj filmoj sed tiuj filmoj estas alt-kvalitaj filmoj intencitaj por multe da spektantoj. Mi esperas ke aliaj filmoj taŭgos pli bone por la mondo en la estonteco. Dankon denove.
  15. Mi ĉiam ĝojas legi opiniojn pri la prezentitaj filmoj. Precipe, se la rimarkoj helpas min trovi taŭgajn filmojn. Pri la paŭzo: Mi tute ne trovis longa la paŭzon en la indikita parto, ĉar, ĝenerale, oni ne daŭre parolas en filmoj. jmatty2000 skribis: Mi pensas ke la knabo diris: "Saluton! Ĉu mi ne kontraŭos aŭskulti mian historion? Mia patra vojaĝis tre multe." La teksto devas esti: Ĉu VI ne kontraŭos aŭskulti mian historion? Mia patrO vojaĝis tre multe, sed la elparolo foje ne estas la plej bona.
  16. Anna

    Kvinpetalo

    Jes, mi aperigis la artikoleton urĝe pro la datoj, do ne estis tempo por aldoni voĉlegadon.
  17. Saluton samideanoj, Mi pensas ke la filmo estas bona peno, tamen mi ne tre bone komprenis la unuan 20 sekundojn de la parolado, kaj jen kaj jen la gramatiko ne estis tro bona. La paŭzo post 00:52 al 01:55 sekundoj estis tro longa. Mi pardonpetas sed estas pli bone esti honesta por akiri bonan opinion. Mi pensas ke la knabo diris: "Saluton! Ĉu mi ne kontraŭos aŭskulti mian historion? Mia patra vojaĝis tre multe." Ĉu ion ajn povas kompreni pli bone? Espereble, Matio
  18. Zhangwei

    Kvinpetalo

    ne havas vocxlegon.
  19. Kvinpetalo estas bela centro por Esperantaj renkontiĝoj en malgranda franca vilaĝo Bouresse, 40 km sude de Poitiers. La Centro konsistas el pluraj kamparaj dometoj ĉirkaŭantaj herban korton. Ĝi enhavas interalie 14 dormoĉambrojn, 1 manĝoĉambron kaj 3 klasĉambrojn. Ĝi povas akcepti dudekon da vizitantoj samtempe. Restas ankoraŭ kelkaj lokoj por la kursoj okazontaj de la 24-a ĝis la 28-a de februaro en Kvin-petalo. Estos studado en malgrandaj grupoj kun agrabla familia etoso. Estos du niveloj: 1. Paroliga kurso por komencintoj kaj progresantoj kun Catherine Kremer. Ŝia plej ŝatata temo por paroligi homojn estas "turismo". Ŝi invitas partoprenontojn prezenti rakontojn pri sia propra regiono. Krome, kiu posedas malnovajn dokumentojn kaj fotojn pri siaj prauloj kaj familianoj, estas invitita kunporti ilin. Ŝi organizos laborgrupetojn ĉirkaŭ tiuj temoj. 2. Por tiuj, kiuj jam regas la lingvon, oni proponas enprofundiĝon en la kulturo Esperanta kun Brian Moon. Temas pri la studprogramo de la tria-grada ekzameno “Atesto pri Supera Lernado” de Franca Esperanto-Instituto. Dum kvin tagoj oni studos la kvar librojn listigitajn por tiu ekzameno kaj faros lingvajn ekzercojn. Kaj la tuto estos certe interesa ankaŭ por tiuj, kiuj ne celas al la ekzameno, sed deziras plibonigi sian praktikon de la lingvo kaj vastigi sian konon de la Esperanto-kulturo. Se vi deziras plibonigi vian konon de la lingvo kaj utiligi ĝin, jen trafa okazo !
  20. Mi ne vidas nenion konfliktojn inter per-komputilaj kaj rektaj instrui-manieroj. Kio gravas estas la rezulto. Si oni ne provas oni ne scius.
  21. scivolemo

    Esperanto kaj budhismo

    Kaj en http://budhana.org - estas multaj facilaj artikoletoj kaj rakontoj pri la vivo de Budho kaj simile.
  22. Judit

    Berlino sen vi

    Al mi, persone, tre plaĉas tiu ĉi kanto, la muziko, la voĉo kaj la reĝisorado.
  23. Renatocorsetti

    Esperanto kaj budhismo

    ankau lau mi. renato
  24. scivolemo

    Esperanto kaj budhismo

    Tre bona artikoleto
  1. Ŝarĝi pli da aktivado
×
×
  • Aldoni novan...

Gravaj informoj

Por bone funkcii, uea.facila uzas kuketojn. Legu nian Privatecan politikon por ekscii kiel ni uzas viajn informojn kaj la Uzkondiĉojn por esti uzanto de la retejo.