Lumis Eterne

Tamen ... mi iomete ŝatas tiun-ĉi filmeton.

Facila, ankaŭ pro la ege malrapida kantado. 

Je 2019-6-9 at 19:20, Esperanto Radom diris:

Tamen ... mi iomete ŝatas tiun-ĉi filmeton.

"tiun ĉi" (du vortoj). Oni ne aldonas streketon en esprimoj kiel "ĉi tiu", "ĉi tie", "tio ĉi" ktp.

Oni uzas la streketon kiam la "ĉi" estas parto de adverbo aŭ adjektivo, ekz. "ĉi-vespere", "ĉi-semajne", "ĉi-flanke", "ĉi-jara", ĉar la e- aŭ a-finaĵo rilatas al la tuta esprimo inkluzive de la "ĉi".

Laŭ mi ĝi ne estas bona ekzemplo pri prononcado (tre malklara kaj erar(ig)a, ne aŭdeblas klare la prononco de ĉiu litero/sono), kaj ankaŭ en la komenco estas akuzativa eraro:

'...kantas la Esperanta(n) kanzono(n)...'  - mankas la 'n'-oj... (poste mi spektis pliajn erojn, sed ne ĝisfine).

Mi konsentas, ke "la pura infana voĉo estas bela kaj ĉarma", sed ne por prezenti ekzemplon pri prononcado, ktp.

Stefano, dankon pro la atentigo pri la akuzativa eraro en la enkonduka teksto. Estas malfacile trovi filmetojn tute sen lingvaj eraroj, sed efektive en tiu mallonga filmeto estas iom tro. Estas bedaŭrinde, ke la produktintoj ne kontroligis la tekston, antaŭ ol dediĉi tiom da energio al kreado de filmeto.