En la fremdujo (Eichendorff)

Iom malgajan, sed belan kanton mi proponas nun, por la lasta semajno de oktobro. La teksto estas de Joseph von Eichendorff (unu el la plej famaj poetoj de la germana romantika movado en la 19a jarcento). Krysztof Daletski tradukis la poemon, komponis por ĝi la muzikon, kaj ankaŭ kantas ĝin. Kun la desegnaĵoj aperas la teksto en Esperanto, kaj ankaŭ en la angla kaj germana lingvoj.