Ekparolu! - Grupa leciono - Rakonto pri la plej granda poŝto-rabo

Saluton, Mi ĝojas, ke la filmo pri nia komuna zoom-leciono aperas en uea.facila. La filmon mi registris dum ekzerco, kiun mi gvidis por la genevoj de la programo Ekparolu. Ĝi estas senpaga servo de nia retejo (edukado.net), kie spertaj esperantistoj (kiujn ni nomas geonkloj, ĉar ili volonte helpas) babilas kun komencantoj, komencintoj (ilin ni nomas "genevoj"), kiuj ŝatus havi eblon uzi Esperanton. Ĝis nun ni havis 5000 (jes, kvin mil!!!), unuopajn sesiojn kaj ĉ. 10-12 komunajn lecionojn.

Se iu el vi ŝatus partopreni en la programo, informiĝu pri la paĝo https://edukado.net/ekparolu kaj aliĝu kiel nevo/nevino aŭ onklo/onklino. Estos mallongaj testoj, sed poste multe da amuziĝo kaj lernado. Per Ekparolu vi povas paroli en tempo laŭ via elekto kaj kun geonkloj el pli ol 30 landoj. Ni atendas vin. 

Mi estas nevino en la Ekparolu-projekto kaj mi trovas ĝin ege bona. Mia lingvoscio pliboniĝis parolante kun fluaj parolantoj kaj ricevante iliajn komentojn. Same, aŭ, por mi eble eĉ pli grave, mi havis la ŝancon paroli kun homoj de multaj naciecoj, kiuj rakontis pri kelkaj el siaj mondkonceptoj kaj kiuj donis al mi konsilojn pri Esperanto-renkontiĝoj, legindaj libroj kaj aŭskultindaj podkastoj, ktp. Ekparolu estas mirinda projekto!