Anjo Amika - Trovis mi patrujon

La konstanta apostrofado en la kantoteksto ne estas bona modelo por novaj lernantoj.  

Kion signifas "Mia estas ĉi ter' "?  "Ĉi tero" ne signifas "ĉi tiu tero".  

Preter tio, du aferoj:

a) Mi ne certas, ke tia kanto havas ian ajn intereson por homoj en 2023.  "Mi estas hungaro.  Mi parolas la lingvon de madjaro".  La kanto preskaŭ estas propagandaĵo pri naciismo.  

b) Mi mem ne donus forumon al iu kiu estas konata aktivulo de la Civito.  

Liĉjo

Laŭ PMEG la esprimo "ĉi tero" ja povas signifi "ĉi tiu tero" https://bertilow.com/pmeg/gramatiko/e-vortecaj_vortetoj/lokaj/chi.html#i-gsf 

Tamen, laŭ la klarigo: "Iuj opinias, ke memstara ĉi anstataŭ ĉi tiu(j) estas evitinda (krom eble en poezio)."

Efektive, ankaŭ mi konsentas, ke esprimoj kiel "ĉi tero" ĝenerale estas evitindaj, kaj ne rekomendas tion kiel modelon por lernantoj. Tamen ili estas uzeblaj precipe en kanto-tradukoj, en kiuj ofte necesas iom tordi la kutiman lingvouzon pro la neceso enpremi tro da silaboj en verson kun fiksita ritmo.