Salti al enhavo

Foto: Eckhard Pecher CC 3.0

Partoprenu en la Esperanto-sumoo!

Eblas aŭskulti ĉi tiun artikolon.

Vi scias, kio estas sumoo, ĉu ne? Sumoo estas la japana lukt-arto, kutime inter du tre grandaj kaj pezaj luktistoj. En la Esperanto-sumoo oni luktas ne kontraŭ alia homo, sed kontraŭ si mem.

La Esperanto-sumoo estis la brila ideo de japana esperantisto, Hori Jasuo. Lia ideo estis jena: ke dum difinita du-semajna periodo oni legas libron en Esperanto, po kelkaj paĝoj tage, ekzemple du paĝojn ĉiutage, aŭ kvin paĝojn, aŭ dek, laŭ sia prefero. 

Bela afero pri la Esperanto-sumoo estas, ke oni rajtas legi je la propra nivelo. Oni elektas mem la libron kaj la nombron de paĝoj. Do, se vi estas lernanto, elektu facilan libron, ekzemple Gerda malaperisFaktoj kaj fantazioj. Celu legi nur unu aŭ du paĝojn tage. Sed se vi estas sperta esperantisto, elektu pli malfacilan libron, ekzemple Hamleto, reĝido de Danujo, kaj celu legi ok aŭ dek paĝojn tage anstataŭ du.

La Esperanto-sumoo okazas ses fojojn jare, en januaro, marto, majo, julio, septembro kaj novembro dum 15 tagoj. La datoj de la venonta sumoo estos de la 17-a ĝis 31-a de marto. Antaŭ ol la periodo komenciĝos, necesas informi la gvidanton kaj fondinton de la sumoo, Hori Jasuo.

Bonvolu sendi al li la jenajn informojn:

vian nomon por la Sumoo (kaŝnomon);
vian veran nomon;
landon kaj urbon;
vian ret-adreson;
titolon kaj aŭtoron de via elektita libro;
la kvanton de paĝoj, kiun vi legos ĉiutage.
 
Antaŭ ol la sumoo komenciĝos, Hori Jasuo asignos al vi prizorganton. Tiu homo sekvos vin dum la du-semajna periodo. Post kvin tagoj, kaj denove post dek tagoj kaj dek kvin tagoj, vi povos skribi al li aŭ ŝi, por informi, ĉu vi sukcesis legi la promesitan kvanton. Kompreneble vi rajtos legi pli, se vi deziros, sed por sukcesi en la sumoo vi devos legi almenaŭ la anoncitan nombron da paĝoj ĉiutage dum la du-semajna periodo.

Por pli da informoj pri la sumoo, rigardu ĝian retejon ĉe: http://www.esperanto-sumoo.pl/.

Partoprenu en la marta sumoo, ĉar kiel diris la prezidanto de UEA en ĉi tiu retejo, legado estas agado!
 

  • Ŝati 3
  • Ami 1



Uzanta eĥosono

Recommended Comments

Mi estas aktiva partoprenanto de Esperanto-Sumoo, ekde 2013, novembro, ekde 2017, ankaŭ kiel prizorganto de leglukta grupo.
Mi ege ŝatas tiujn ĉi legluktadojn, ĉar estas eblecoj interŝanĝi opiniojn pri legitaj verkoj, konsili novan, ankoraŭ ne legitan verkon
al aliaj legluktantoj.

Se iu ankoraŭ ne partoprenas ĉi tiun fenomenon, ankoraŭ eblas aliĝi al la ĉi monata Esperanto-Sumoo, kiu komenciĝos la 17an,
daŭros ĝis la 31a.

Venu, spertu, ĝuu legadon gajnante perlojn. Se vi kolektas 15 perlojn, vi ricevas belan diplomon de la ĉeforganizanto, s-ro Hori
Jasuo.

Anjo_dip_januaro19.doc

  • Ŝati 3

Disdoni tiun ĉi komenton


Ligo al komento
Kunhavigi en aliaj retejoj

Esperanto-Sumoo certe estas unu el la plej belaj iniciatoj en Esperantujo. Ĝi instigas homojn al legado de libroj en Esperanto, tiel helpante ilin en multaj manieroj: Ili plialtigas sian vortstokon, ili legas do uzas Esperanton ĉiutage, ili plibonigas sian gramatikon kaj alkutimiĝas al novaj lingvaj strukturoj, ili povas ekkoni novajn kulturojn kaj, finfine, ili sin amuzas!

Se vi ankoraŭ ne aliĝis al la Esperanto-Sumoo, faru tion tuj!

  • Ŝati 1
  • Ami 1

Disdoni tiun ĉi komenton


Ligo al komento
Kunhavigi en aliaj retejoj

Mi atendis cxi tion artikolon ekde kelkaj tagoj. Gxi estas tre informplena artikolo! Mi partoprenas en E-Sumoo ekde Septembro 2018.  

Cxu vi scias ke S-ro Hori Jasuo estas elektita la Esperantisto de Jaro 2018 de La Ondo de Esperanto?

La komencantoj povas ankaux legi artikolojn de UEA Facila. Almenaux 1 artikolo tage. Jam ekzistas pli ol 15 artikoloj cxi tie.

Legu kaj gxuu la legado!

 

Redaktite de scivolemo
  • Ŝati 2

Disdoni tiun ĉi komenton


Ligo al komento
Kunhavigi en aliaj retejoj

Scivolemo, tio estas tre bela ideo. Partoprenantoj en la Sumoo, anstataŭ legi libron povus legi unu artikolon ĉiutage en uea.facila.

  • Ŝati 1

Disdoni tiun ĉi komenton


Ligo al komento
Kunhavigi en aliaj retejoj


Krei konton aŭ ensaluti por komenti

Nur membroj rajtas afiŝi komenton

Krei konton

Registru novan konton en nia komunumo. Estas facile!

Registri novan konton

Ensaluti

Ĉu vi jam havas konton? Ensalutu ĉi tie.

Ensaluti nun

×

Gravaj informoj

Por bone funkcii, uea.facila uzas kuketojn. Legu nian Privatecan politikon por ekscii kiel ni uzas viajn informojn.