Salti al enhavo
Pinglita

Nova retejo por novaj esperantistoj

Bonvenon al uea.facila, la nova retejo de UEA.

En ĉi tiu retejo vi trovos informojn kaj novaĵojn pri la Esperanto-movado. La artikoloj estas mallongaj kaj facile legeblaj por helpi homojn, kiuj nun lernas la lingvon. Sed espereble ankaŭ pli spertaj esperantistoj trovos ilin interesaj!

Ni deziras, ke la informoj en ĉi tiu retejo vojaĝu ne nur en unu direkto. Tial ni invitas niajn legantojn mem kontribui. Vi povos aldoni viajn komentojn sub artikoloj, kaj esprimi vian opinion pri la filmetoj prezentataj en la rubriko Filmetoj.

Kiuj estas niaj legantoj? Prezentu vin mem en la rubriko Niaj legantoj. Vi trovos pli da informoj pri tiu rubriko ĉi tie.

Ĉu vi kaj aliaj esperantistoj el via urbo aŭ regiono organizis renkontiĝon aŭ kunvenon? Ĉu formiĝis nova grupo? Sendu mallongan informon kaj foton de la okazaĵo al la rubriko Loke.

Nun vi komprenas, kiaj informoj kaj artikoloj aperos en ĉi tiu retejo. Ni invitas vin legi, mem kontribui, kaj ĝui.

Anna Löwenstein
 

Anna Löwenstein estas redaktoro de uea.facila, kaj ankaŭ verkinto de du romanoj en Esperanto. Ŝi estas brita, kaj loĝas en Londono.

  • Ŝati 3
  • Ami 2



Uzanta eĥosono

Recommended Comments

Gratulojn pro la bonega retejo! Mi intencis ĉi-jare restarigi en reta formato mian revuon "AmUzE", kiu naskiĝis antaŭ 20 jaroj, sed tre mallonge vivis pro financaj kialoj. Ĝia slogano estis: "Bunta, facil-stila, distra kaj utila"- mi vidas, ke tiu ĉi retejo faras preskaŭ ĉion, kion mi mem deziris fari. Do verŝajne mi repripensos miajn planojn kaj kreos ion alian.

Kaj dume mi uzos kaj vaste rekomendos la facilan retejon! :classic_smile: Dum nia sekva monata kunveno en Sofio mi prezentos ĝin. Aŭ, estus pli bones se iu el la kunlaborantoj pretus mem prezenti ĝin per skajpo. Temas pri la 19a de februaro, je la 12a horo laŭ UTC. Kiu ŝatus gasti al ni virtuale?

Sugesto al la manstrumantoj: Laŭ mi ege utilus, se estus unu paĝo, en kiu oni kolektu komentojn kaj sugestojn pri la retejo mem, ne pri apartaj artikoloj.

  • Ŝati 1

Disdoni tiun ĉi komenton


Ligo al komento
Kunhavigi en aliaj retejoj

Bonega iniciato.
Komencantoj estas diversaj, inter ili estas ankaŭ homoj aĝaj kaj seriozaj sendepende de aĝo, do por ili ne konvenas revuo "Juna Amiko".
Tamen.
Ili ŝatas legi ne (nur) artikolojn, ja ankaŭ beletron: poemojn, nelongajn rakontojn. Ankaŭ tio devas esti en la retejo.
Hieraŭ mi diris la samon en fejsbuko, kaj nur alia persono indikis, ke tie estas du poemetoj de Liven Dek. Nun mi ne povas ilin retrovi el la hejmpaĝo.

Konkretan paĝon kun tiuj poemetoj mi legis, sed mi scivolas, ĉu legeblas aliaj beletraĵoj.
Do bonvolu modifi la serĉ-menuon, ke beletraĵoj estu facile troveblaj. Kaj certe, la beletraĵoj mem estu multaj.

  • Ŝati 1

Disdoni tiun ĉi komenton


Ligo al komento
Kunhavigi en aliaj retejoj

Mariana skribis: "Kaj dume mi uzos kaj vaste rekomendos la facilan retejon! :classic_smile: Dum nia sekva monata kunveno en Sofio mi prezentos ĝin. Aŭ, estus pli bone, se iu el la kunlaborantoj pretus mem prezenti ĝin per skajpo. Temas pri la 19a de februaro, je la 12a horo laŭ UTC. Kiu ŝatus gasti al ni virtuale?"

Anna respondas:

Multajn dankojn pro via entuziasma kuraĝigo! Rilate al la skajpa prezento, bonvolu skribi al ni per "Kontakti nin", por ke ni interkonsentu.

vmel2001 skribis: "Hieraŭ mi diris la samon en fejsbuko, kaj nur alia persono indikis, ke tie estas du poemetoj de Liven Dek. Nun mi ne povas ilin retrovi el la hejmpaĝo."

Anna respondas: Tio okazis, ĉar por malfermi la retejon ni jam enmetis plurajn artikolojn, kaj tiu de Liven Dek aperis nur en la dua aŭ tria paĝo. Normale ne aperos tiom da novaj artikoloj samtempe, kaj la plej nova aperos en la hejmpaĝo, do estos pli facile videbla. Por trovi beletraĵojn, rigardu en la kategorio "Legaĵoj".

Kaj Mariana kaj vmel volas pli da beletraĵoj. Tio estas bona konsilo por la redaktoro!

 

Disdoni tiun ĉi komenton


Ligo al komento
Kunhavigi en aliaj retejoj
antaŭ 6 horoj, Anna diris:

Rilate al la skajpa prezento, bonvolu skribi al ni per "Kontakti nin", por ke ni interkonsentu.

Anticipan dankon, mi skribos tuj.

Disdoni tiun ĉi komenton


Ligo al komento
Kunhavigi en aliaj retejoj

Dankon ankaŭ de mi! Kaj dankon ankaŭ al la aliaj homoj, kiuj skribis al mi tre pozitive pri la nova retejo. (Kaj dankon, kompreneble, ankaŭ al tiuj homoj, kiuj kritikis kun utilaj sugestoj pri plibonigoj!)

  • Ŝati 1

Disdoni tiun ĉi komenton


Ligo al komento
Kunhavigi en aliaj retejoj


Krei konton aŭ ensaluti por komenti

Nur membroj rajtas afiŝi komenton

Krei konton

Registru novan konton en nia komunumo. Estas facile!

Registri novan konton

Ensaluti

Ĉu vi jam havas konton? Ensalutu ĉi tie.

Ensaluti nun

×

Gravaj informoj

Por bone funkcii, uea.facila uzas kuketojn. Legu nian Privatecan politikon por ekscii kiel ni uzas viajn informojn.